Philip 的分裂空間 ( O | X )

5號同Abby去左睇戇豆放大假，套片勁多笑位，無冷場，睇得好開心。^_^
Mr Bean依然演得出色，同電視一樣，無乜對白都可以咁搞笑，勁！
當然編劇既都有一手，情節環環相扣，仲有d橋真係玩得好絕！
可能有人會覺得誇張、超現實，不過Mr Bean都唔係第一日係咁，睇佢都係想睇佢點亂打亂撞，最後又將一切攪返掂。今次電影亦相信唔會令觀眾失望。片中都有不少帶有諷刺的劇情(不過都係Mr Bean電視既特色啦)，好值得"o答"真下，作為電影，連康城影展都玩埋，認真抵死！^^

睇完套片，當堂個人都輕鬆左，雖然放完假又要去面對d唔識做既野.....總算令呢期沉重既心情有所舒緩。
放大假，真係應該睇下呢類片，真係會令人有充返電既感覺，誠意推介給各方親友!!!

(25-3-2007)
黯然離別，舊夢難再。
一去不回，仰天垂首。
愛恨相隨，無非因緣。
何不起來，乘風遠走．．．

(10-3-2007)
七周經過，呆呆下驚覺就交功課，
但是還未開始．．．
上堂魂遊，聽聽下愈來愈唔入腦，
鬥志不知所終．．．
八下八下，諗諗下都係少管閒事，
奈何匪夷所思．．．
落日餘暉，望望下感慨萬物有時，
冷冷歸于無念．．．

星期六下晝同Abby去了花展，可惜大部份時間都落住雨，時大時細，好彩唔係太多人，如果唔係就仲狼狽......
也不知是否因為天氣關係，不少"展品"都枯了或破破爛爛的，令展覽稍為失色....(不過過埋呢個周末應該會換返D新花)
看著攝影發燒友不顧天氣去影相，又要顧著自己副"架生"唔俾雨淋濕，真係替佢地辛苦，希望佢地影到靚相啦
結果行下行下就行左三個鐘，好彩臨尾都停左雨，就算天色黑沉沉，都照影返幾張啦

(標題出處: "朱蒙"香港版主題曲歌詞)
話說星期三終於趕完份功課，諗住可以輕鬆返一日半日啦
點知臨放工接到指示，要起個program，十五天，一個人自己攪
乜language自己話事，覺得啱駛就得，well......即刻跌返落谷底......

雖然睇落其實唔係好複雜既野，不過實有D爻底喇，咁耐無掂過，一正式有野做就單挑上陣．．．
咁既安排真係我意料之外．．．可能係我天真啦，我諗住我咁既新人黎到，仲要咁耐無做programming既，工作上開始時會係一齊跟D手頭上做緊既野，先睇返多D code同建立team work啦，到有返咁上下先會自己handle D project。奈何而家好似玩survivor咁，靠自己之餘 (其他人都忙緊其他project，盡可能都唔煩住佢地喇)，最怕第時慣左自己做夾唔返其他人一齊做，咁就仲弊．．．始終programming，例如code style, 分工等真係要大家先夾一夾至可以開始做架．．．到而家真係仲未融入到公司同team就咁，真係更加不安架 =_=

呻夠喇．．．點都好，引用曾特首句slogan："我會做好呢份工!"